سلسلة دروس في السياسة والاقتصاد - الدرس 3( النمر و وزار الاسد )

"

::هذا الدرس الثالث ما بيجي في الامتحان بس انتبهوا له تراه عليه درجات
وهذي المرة عليكم انتوا تستنتجوا الدروس والعبر المستفادة من القصة
شغلوا عقولكم شوية


مرة من المرات كان شي أسد يملك دكان في روي وكان النمر مدير ومحاسب والثعلب عامل
وكان الاسد اخر كل شهر يروح دبي يوم واحد ويرجع

يوم من الايام راح الثعلب الى الاسد قال له : هذا ما كلام الي يحصل في هذا الدكان .
قال الاسد : مو السالفة موه هذا الشي الي يحصل وما عاجبنك .

قال : كل مرة لما تروح انته دبي يجي النمر ويطردنا من الدكان يقول ماشي شغل اليوم ويسكر الدكان ويجيب ربعه النمور ياكلوا ويشربوا بلاش بعدين يعطيهم راشن حال بيوتهم ، وأنا لولا حبي لكم والاهانات الي احصلها من النمر في غيابكم والسرقات الي أشوفها قدام عيني كان ما جيت وخبرتكم .

عصب الأسد وقال : معقووولة كل هذا الشي يحصل في دكاني وأنا ما أعرف . هين انته من زمان ليش ما تكلمت .

قال الثعلب : ما أقدر أتكلم ، النمر قال لي اذا تكلمت بفنشك من الدكان ، وأنا صراحة عندي أولاد من هين بأكلهم اذا فنشني ، بس انته المفروض تراقب المسؤولين وتعرف كل صغيرة وكبيرة .

سكت الاسد لحظة بعدين تنهد وقال: يا ثعلب احنا عارفين وفاهمين كل شي هنا ، بس انته سير تو وعين خير إن شاء الله .

اخر الشهر استدعى الأسد النمر وقال له بابتسامة : يا سعادة النمر أنا بروح اليوم دبي وراجع بس ما اوصيك على الدكان خلي بالك عليه .

دق النمر صدره وقال : أفاا وأنا نمر ود الشيخ ابو نمر ما توصي حريص تروح وترجع بالسلامة .
بعدين خلى الاسد نفسه مروح بس دخل من الباب الوراني واندس ورا الثلاجة .

وبعد نص ساعة وصلوا النمور وسكروا الدكان وأكلوا وشربوا ولعبوا لين شبعوا .
الاسد شاف الحالة وتأكد بنفسه وما استحمل الجلوس من الغضب بس قال أحسن اخذ الأمور بالعقل وانتظر لحد النهاية .

فنام الاسد على جلسته ..

وأثناء رمسة النمور لمح النمر وزار الأسد طالع من ورا الثلاجة فعرف أن الاسد موجود يراقبه ، فصاصخ حد من ربعه وقال له اسألني بصوت عالي
(من تفضل أبوك الشيخ أبو نمر ولا الشيخ الأسد ؟ )

انتبه الأسد لنبرة السؤال.

قال النمر: بصراحة كنت أول أظن أنه أبوي أعظم شخص في البلاد بس لما تعرفت على الاسد واشتغلت عنده تأكدت أن أحنا النمور عايشين في وهم وأن سيدي الشيخ الأسد هو أعظم واحد وأنا مستعد أضحي بأي شي عشانه .

لما سمع الأسد هذا الكلام استانس

في اليوم الثاني نزل قرار
1- مادة أولى يمنح سعادة النمر وسام الشرف والأمانة .
2- مادة ثانية يحرم الثعلب من راتب شهر واحد لتخلفه عن العمل أخر كل شهر .

اعداد : abokhaled-400 "

المصدر